Mættur á svæðið eldbrattur alveg.

Rauðstjörnóttur hestur var fyrstur í heiminn á þessu vori í Kirkjubæ. Hann er stór og hressilegur undan Nös frá Kirkjubæ og Óm frá Kvistum. Fæddur að morgni 7. maí.

Valtýr frá Kirkjubæ og Guðm. Bj. sl. sumar.

Fyrstu kynbótasýningar ársins voru haldnar um síðustu helgi í Wurz í Þýskalandi og Herning í Danmörku. Hróðurssonurinn okkar Valtýr frá Kirkjubæ var sýndur í Herning og hlaut í aðaleinkunn 8.22. Það var Rasmus Möller Jensen sem sýndi en hann hefur haft hestinn í þjálfun í vetur. Valtýr er síðan á leið heim til nýrra eigenda sinna í Noregi á næstu dögum.

Zorro alias Hjörvar og Þyrnirós.

Glæsileg sýning var í Ölfushöllinni sl. föstudag - Ræktun 2009. Fullt af flottum hrossum og skemmtilegum sýningaratriðum. Ungmenni úr Geysi settu upp dúnduratriði "Zorro og Senjoríturnar" og tókst það vel. Síðan verðum við auðvitað að óska vinum okkar og kunningjum á Dallandi til hamingju með glæsilega ræktunarbússýningu - flottasta atriði kvöldsins að okkar mati!

Þáttur frá Kirkjubæ. Málverk Baltasar

Á stóðhestasýningu í Rangárhöll um páskana voru m.a. kynntir nokkrir stóðhestar sem verða í Kirkjubæ í vor. Þetta eru þeir Hróður frá Refsstöðum, Eldjárn frá Tjaldhólum, Vár frá Vestra-Fíflholti, Stormur frá Leirulæk og Þytur frá Neðra-Seli. Frekari upplýsingar um þessa hesta má finna undir stóðhestaflipanum hér til hægri á síðunni.