Skelltu sér á Ísmót Suðurlands /ljósm Elka

Í gær var haldið Ísmót Suðurlands í Þykkvabænum á svokallaðri Gljá niður á fjörum. Kirkjubæingar tóku þátt í þessu skemtilega og vel sótta móti. Hjörvar fór með Lilju frá Kirkjubæ í B flokk og Hramm frá Kirkjubæ í tölt. Þetta tókst vel og fóru leikar þannig að þau Lilja enduðu í fyrsta sæti eftir spennandi úrslit með einkunnina 8.70. Hrammur stóð sig líka bara vel á sínu fyrsta hestamóti og náðu þeir 2 sæti í tölti áhugamanna. Frekari fréttir hér og fullt af fínum myndum af þessum skemmtilega viðburði á www.hest.is

Skjótti liturinn kominn aftur í Kirkjubæ? Hjörvar Ágústsson og Ölvir frá Kirkjubæ

Vetrarstarfið fer ágætlega af stað hjá Kirkjubæingum. Hross eru í þjálfun á nokkrum stöðum -  hjá Gumma og Evu á Ingólfshvoli, Daníel Jónssyni í Pulu og Halldóri og Helle í Dal. Í gamla hesthúsinu í Kirkjubæ ræður ríkjum Hjörvar Ágústsson en þar er skemmtilegur hópur af tryppum og eldri hrossum í tamningu og þjálfun. Meira um það síðar.

Kirkjubær í janúar 2010 - Hekla á sínum stað

Það hefur verið óskaplega skemmtilegt vetrarveður undanfarna daga á Rangárvöllum. Logn og nokkurra stiga frost - feiknarlega skemmtilegt veður til útreiða. Myndavélin var gripin með í reiðtúrinn og smellt af fjallahringnum (sjá fleiri myndir hér neðar)

Kirkjubæjarhryssur í góðum höndum

Okkar góðu vinir og samherjar, Eva og Gummi, hafa ákveðið að breyta til. Þau hafa tekið hestamiðstöðina á Ingólfshvoli í Ölfusi á leigu undir vaxandi starfsemi sína. Eva og Gummi hafa verið hjá okkur í Kirkjubæ sl. 5 ár og staðið sig frábærlega í öllum sínum störfum - þeirra verður sárt saknað. Héðan úr Kirkjubæ fylgja góðar óskir - það er ljóst að nú fara hlutir að gerast í Ölfusinu!